Íslenska þjóðin hlaut heiðursverðlaun Íslensku kvikmynda- og sjónvarpsakademíunnar árið 2010. Björn B. Björnsson, formaður stjórnar Íslensku kvikmynda- og sjónvarpsakademíunnar, sagði við afhendinguna:

“Það eruð þið áhorfendur góðir, sem hafið borgað stóran hlut íslenskrar kvikmynda- og sjónvarpsframleiðslu. Þið hafið horft á allt íslenska sjónvarpsefnið og þið hafið keypt alla miðana á íslenskar kvikmyndir frá upphafi. Verðlaunin eru ykkur veitt með kærri þökk fyrir ómetanlegan stuðning við íslenskar kvikmyndir og sjónvarp í gegnum tíðina. Takk fyrir!”