Kvikmyndin Eldfjall hlaut alls fimm verðlaun, meðal annars sem Kvikmynd ársins, á Edduverðlaunahátíðinni sem fram fór með pompi og prakt í Gamla bíói í kvöld. Á annan veg hlaut þrenn verðlaun og kvikmyndin Hetjur Valhallar – Þór fékk tvenn verðlaun.

Pressa 2 var valið leikið sjónvarpsefni ársins og titillinn sjónvarpsmaður ársins kom í hlut Jóhannesar Kr. Kristjánssonar úr Kastljósi. Þá völdu áhorfendur Þóru Arnórsdóttur í símakosningu á meðan á útsendingu Eddunnar stóð og hlaut hún Áhorfendaverðlaun ársins.

Hins vegar er óhætt er að segja að Pétur Jóhann Sigfússon hafi stolið senunni þegar hann afhenti verðlaun í hlébarðabúningnum sem gerði garðinn frægan á Edduhátíðinni í fyrra.

Eftirfarandi eru verkin sem unnu til verðlauna á þessari þrettándu uppskeruhátíð íslenska kvikmynda- og sjónvarpsakademíunnar:

Kvikmynd ársins
Eldfjall

Leikið sjónvarpsefni ársins
Pressa 2

Frétta- eða viðtalsþáttur ársins
Landinn

Skemmtiþáttur ársins
Áramótamót Hljómskálans

Menningar- eða lífstílsþáttur ársins
Hljómskálinn

Heimildamynd ársins
Andlit norðursins

Stuttmynd ársins
Skaði

Barnaefni ársins
Algjör Sveppi og töfraskápurinn

Leikstjóri ársins
Rúnar Rúnarsson – Eldfjall

Handrit ársins
Rúnar Rúnarsson – Eldfjall

Sjónvarpsmaður ársins
Jóhannes Kr. Kristjánsson

Leikkona ársins í aðalhlutverki
Margrét Helga Jóhannsdóttir – Eldfjall

Leikari ársins í aðalhlutverki
Theodór Júlíusson – Eldfjall

Leikkona ársins í aukahlutverki
María Heba Þorkelsdóttir – Okkar eigin Osló

Leikari ársins í aukahlutverki
Þorsteinn Bachmann – Á annan veg

Kvikmyndataka ársins
Árni Filippusson – Á annan veg

Klipping ársins
Elísabet Ronaldsdóttir – Hetjur Valhallar – Þór

Hljóð ársins
Gunnar Árnason – Borgríki

Tónlist ársins
Hilmar Örn Hilmarsson – Andlit norðursins

Leikmynd ársins
Gunnar Karlsson – Hetjur Valhallar – Þór

Búningar ársins
Margrét Einarsdóttir, Eva Vala Guðjónsdóttir – Á annan veg

Gervi ársins
Ragna Fossberg – Áramótaskaupið

Heiðursverðlaun ársins
Vilhjálmur Knudsen

Áhorfendaverðlaun ársins
Þóra Arnórsdóttir